Dosja.al - Belinda Balluku: Agjencia Ndërkombëtare Bërthamore do të dërgojë ekspertë në Shqipëri

TIRANË- Teksa ka qenë sot prezente në mbledhjen e qeverisë për aktivitetin sizmik në vendin tonë, ministrja e Infrastrukturës Belinda Balluku ka deklaruar se në tre zonat e prekura masivisht nga tërmeti në terren janë vendosur grupe me ekspertë të huaj nën drejtimin e ekspertëve shqiptarë.

“Grupet të cilat operojnë në terren janë grupe mikse të udhëhequra nga ato shqiptare të cilët njohin terrenin me grupe të huaja. Janë përgjigjur pozitivisht. Sot operojnë 40 italianë, 16 grekë, 11 turk, një grup i madh inxhinirësh nga Kosova të cilët kanë ekspertuar shkollat. Inxhinierët francezë janë në Tiranë. Kemi grupe nga Bullgaria, Hungaria, Rumania. Agjencia Ndërkombëtare Bërthamore do të dërgojë ekspertë në Shqipëri.”- është shprehur ministrja Balluku.

Mblidhet për herë të katërt qeveria. Kryeministri Edi Rama ka premtuar se sot do të akstivizohet fondi 1 milion dollarësh për të prekurit nga tërmeti. Do të nisë shumë shpejt inspektimi i banesave. Kreu i qeverisë i ka bërë sërish thirrje kryedemokratit Lulzim Basha për bashkëpunim në këto ditë të vështira. Ministri Lleshaj ‘ngel’ në klasë.